Call us Hafðu samband: 587-7000

Varmadælur eru fýsilegur kostur fyrir sveitarfélög á köldum svæðum

Á Íslandi er að finna mörg köld svæði þar sem ekki er að finna jarðvarma og þurfa íbúar þessara svæða því að notast við aðrar kyndingaraðferðir en þekkjast á þeim svæðum þar sem heitt vatn er að finna í jörðu. Í gegnum tíðina hafa varmadælur sannað sig sem mjög hagkvæmur kostur þegar kemur að upphitun híbýla á köldum svæðum og hafa margir Íslendingar nýtt sér þennan umhverfisvæna kost sem að öllu jöfnu felur í sér mikinn sparnað fyrir notandann.

Varmadælur_sundlaug á Klaustri

Sem dæmi um kalt svæði á Íslandi má nefna sveitarfélagið Skaftárhrepp en þrátt fyrir boranir víðsvegar í sveitarfélaginu hefur ekki enn fundist heitt vatn á svæðinu. Á vormánuðum 2013 ákvað sveitarfélagið því að auglýsa eftir tilboðum í varmadælur  fyrir Skaftárhrepp, nánar tiltekið til að hita upp skóla, íþróttahús, æfingasal og sundlaugina á Kirkjubæjarklaustri. Sveitarfélagið samþykkti að lokum tilboð frá Delta lausnum sem hóf í kjölfarið undirbúning að verkefninu.

Það var svo á haustmánuðum 2013 sem Delta Lausnir setti upp varmadælur samkvæmt ofangreindri beiðni Skaftárhrepps. Sú framkvæmd hefur gengið vel og mun klárlega nýtast fyrirtækinu við áframhaldandi þróun á lausnum fyrir önnur sambærileg verkefni annarra sveitarfélaga.

Fyrir þau sveitarfélög sem leita eftir sambærilegum lausnum bendum við á að hafa samband við okkur með neðangreindum leiðum:

Sími: 8950640

Tölvupóstur: karlh@deltalausnir.is